السوشيال ميديا عبارة عن تطبيقات ومواقع بتسمح لمستخدميها التواصل مع بعض مع امكانية مشاركة محتوى مرئى أو كتابى أو مسموع بهدف التعارف.
أول مرة العالم كان يسمع عن السوشيال ميديا كان سنة 1997 لما طلع موقع Sixdegrees.com ومعاه امكانية أنك تعمل صفحة لنفسك وتضيف ناس عندك وتبعتلهم رسايل ومن بعدها طلع مواقع كتير لنفس الهدف زى ICQ و HiFive و MySpace والناس تفاعلت معاهم بشكل كبير.
لحد هنا مكنش لسه مفهوم الإعلانات دخل السوشيال ميديا وكانت عبارة عن تسلية مش أكتر.
وفى فبراير 2004 ظهر الفيس بوك كشكل اجتماعى أونلاين لمجموعة طلبة تحول من بعدها لموقع كبير وكان عبارة عن أنك تعمل صفحة لنفسك وممكن تشترك فى غرف المحادثة وتتكلم مع الناس.
مع تطور المجتمع وسلوك واحتياجات الناس وقعت مواقع كتير وخرجت من السباق لأنها مغيرتش من نفسها والوحيد اللى فضل يغير من نفسه لحد وقتنا ده هو الفيس بوك وعلشان كده متربع على عرش السوشيال ميديا من 16 سنة.
الفيس بوك وتويتر وانستجرام وغيرهم بقوا مواقع مليونية بل مليارية وده خلاهم يشوفوا ان الإعلانات فرصة ذهبية للدخل لأن هما منصات عليها ناس كتير وده هدف المعلنين وكمان عندهم بيانات الناس دى كلها ببلاش.
لو عايز تتعلم سوشال ميديا تابعنا
متضيعش وقت وابدأ اتعلم دلوقتى
Comments
Post a Comment